Saltar ao contido principal

"Kamchatka", un lugar para resistir

Lembrádesvos do Risk, ese xogo de mesa sobre a conquista do mundo? Disque hai algún profe que incluso o leva a clase, para explicar non sei que Historia... Pois esta é unha peli para os amantes do Risk (Kamchatka é un dos territorios a conquistar), un xogo que pode servir incluso como metáfora da vida cando as cousas se poñen difíciles.

Clic para ver o tráiler


Porque Kamchatka (ficha AQUÍ) é a infancia dun neno rota por un golpe de estado e unha ditadura que, coma todas, tentará eliminar a todo disidente, incluída a familia protagonista. Escapar é, a partir de aí, a palabra clave. Pero ollo: nesta película non veredes acción, nin política, nin execucións, nin guerra... Senón so sentimentos. Sobre todo o sentimento de que tes que fuxir, ocultarte, marchar, protexer aos teus e ata construir un lugar ficticio para que os nenos, que non poden entender moi ben o que pasa, aprendan tamén a resistir. E é aí onde aparece o xogo, e o lugar: Kamchatka.

Gústame o cine arxentino. Porque sempre conta unha historia, porque céntrase no guión e as interpretacións, porque fala de sentimentos e cousas que nos pasan, e porque nelas os protagonistas sempre son as persoas. Porque é un cine que non ten máis pretensións que o de falarnos da vida, e do difícil que ás veces é vivila. E para contar unha boa historia, non hai mellores guións que os que a vida ofrece.

Comentarios

  1. Sandra11/7/11

    Ten moi boa pinta,vereina.No cine hai agora unha peli arxentina "Cuento chino",seguro que está moi ben,teño ganas de ve-la,se o fago,xa vos contarei.Por certo,boas vacacións a tod@s!!!

    ResponderEliminar
  2. Vina. Un inicio raroraroraro: unha vaca cae do ceo... e non digo máis.

    ResponderEliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d