Saltar ao contido principal

Iguana vs. Serpes: correr para vivir

Vas saltar do asento coma un resorte. Prometido. Porque esta é a secuencia máis salvaxe, fermosa e real que probablemente se teña gravado na natureza. Unha carreira trepidante pola vida, na que ela é a heroica protagonista.



Unha cría de iguana emerxe da area. Asoma a cabeza, observa e decídese a saír para buscar o resgardo das rochas. Pero cando xa está preto, detense en seco. Detecta o perigo. O lugar está infestado de serpes, e xa van a por ela. A iguana, cravada no chan, parece calcular tempos, distancias, posibilidades, mentres as culebras a asedian. Cada segundo que pasa hai menos saída. E de súpeto, pum! A iguana sae disparada comezando unha tola carreira por sobrevivir, na que é imposible non levantarse do asento, non pensar Corre, iguana, corre, ou non sentirse parte desa pequena e valerosa criatura. Parte desa vida salvaxe na que ás veces esquecemos que vivimos.


Non vira unha gravación tan viva e fermosa desde a mítica El hombre y la tierra. As imaxes forman parte da serie Planet Earth II, da BBC, que tras dez anos sen emitirse volveu o pasado domingo a sentar aos británicos diante do televisor, á noite e en hora punta. Non é para menos: imaxes espectaculares, recursos do mellor cine (fixádevos nos planos e os movementos de cámara), a música do sempre impresionante compositor Hans Zimmer (El caballero oscuro) e, de premio, a hipnótica narración do incombustible David Attenborough que, con 90 anos, segue contando a vida salvaxe como ninguén.

O éxito destas imaxes está en que se busca rodar algo excelente. Pero aparte da súa sorte e impresionante calidade final, a captura deste momento representa, dalgún modo, unha metáfora da vida mesma: un mundo hostil e unha loita solitaria, a de cada un de nós, por chegar lonxe, a ese lugar ou ese instante no que a vida lle descubre a un a súa beleza. Iso é a vida: un tempo perigoso, efímero, salvaxe, de oportunidades únicas; e ao fondo, se corremos ben, o premio gordo: vivila.  

Comentarios

  1. Anónimo10/11/16

    Diosssss! Que tensión, paseino realmente mal, como ti ben decías sen deixar de berrarlle á iguana: coooorrre!! De esta vez librouse...

    ResponderEliminar
    Respostas
    1. A verdade é que en apenas dous minutos lograron unha secuencia digna do mellor cine de suspense. Hai tanta tensión nesa carreira que, se o ves máis de dúas veces seguidas, case comezas a sentir maniotas nas pernas de tanto correr. :)

      Eliminar

Publicar un comentario

Grazas por comentar!

Publicacións populares deste blog

6º Concurso CineHistoria

Despois de 5 edicións, non pensaríades que deixaríamos acabar o curso sen o noso concurso favorito, non...? Pois benvidos a CineHistoria! , o certame de minicríticas de cine máis famoso da comarca!  Velaquí as 40 críticas (en formato orixinal) desta edición,. Podedes lelas todiñas nos comentarios! As normas e o sentido do concurso xa o sabedes , pero por se acaso...: Para quen? Participan os meus alumnos de Historia de 1º de Bacharelato . Este ano, 40. Que teñen que facer? Eu reparto unha listaxe dunhas 50 pelis .  Cada un deles ten que elixir unha para ver antes dunha data límite. Condición obrigada: que non a viran nunca!  Onde e cando? Cando acabou o tempo para ver as pelis, un día, sen previo aviso reparto en clase un papel.  Cada participante ten 8 liñas e uns 20 minutos para escribir . Como facelo? A crítica debe ser algo máis que un resumo. Debe ter opinión, análise, orixinalidade e, sobre todo, espertar unha emoción no que le. Prohibido deix

V Concurso CineHistoria

Os bos costumes non se poden perder. Por iso, había que volver coa quinta edición do Concurso máis lonxevo (creo) do noso instituto.  Como cada ano, convoco aos meus alumnos de Historia do Mundo Contemporáneo (1º Bacharelato) a un certame, que non é máis que unha escusa para ver cine... e, a través dese cine, para tecer lazos invisibles coa Historia, ou sinxelamente coa vida .  Que como o facemos? Doado. Entrego unha lista ampla de películas coas que un se pode achegar á Historia (ou ao bo cine); concedemos un prazo de tempo para que cada alumno poida ver polo menos unha delas; e cando todos teñen visto xa a súa peli, chego un día por sorpresa a clase e exclamo: " Aquí comeza o Concurso de Críticas CineHistoria! ";  ese día, nun silencio de 20 minutos e baixo pseudónimo, cada alumno esfórzase por escribir a crítica da peli que viu, sabendo que debe facelo da forma máis persoal, orixinal e efectiva posible...   Con que premio? Con cal vai ser! Aquí comeza o V CONCURS

Concurso Galicia en Foto (II)

Aquí volve o noso concurso! E unha vez máis, non penso dicir onde está isto ... Porque queda da vosa man! Iso si, desta vez cambiamos o método de resposta: en vez de escribir a solución publicamente nun comentario, enviarédesma a min directamente facendo clic na parte superior do blog, onde di "INFO", e dentro diso en "CONTACTO". Unha vez aí, non tedes máis que poñer nome, email e a vosa resposta! Deste xeito chegará a min sen que outros poidan vela.  Gaña quen acerte o nome concreto e a función do lugar no que botei esta foto .  Tal e como prometera, desta vez agarda un premio de cine! O PRAZO PARA CONCURSAR  REMATA ÁS 23.00 HORAS DO SÁBADO 9 PUBLICAREI TODAS AS RESPOSTAS E O GAÑADOR AQUÍ AO LONGO DO DOMINGO 10 BRAVO CENTURIÓNS! O lugar da foto é o fermoso campamento romano de Aquis Querquennis,  en Bande (Ourense). Os vellos coñecían o sitio como A Cidá, pois vían muros e obras de edificacións antigas.  En 1947, ao construírse o Encoro d